---
title: "കാണാതായ യുവതിയെ കുളത്തിൽ മരിച്ച നിലയിൽ കണ്ടെത്തി"
english_title: "Missing woman found dead in pond"
publisher: "piravomnews.in"
canonical_url: "https://piravom.truevisionnews.com/news/316457/Missing woman found dead in pond"
published_at: "2025-09-23T06:21:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68d1ef1fed51e_1000339216.png"
keywords: []
---

# കാണാതായ യുവതിയെ കുളത്തിൽ മരിച്ച നിലയിൽ കണ്ടെത്തി

> **Lead Summary:** തൃശൂർ: തൃശൂരിൽ കാണാതായ യുവതിയെ കുളത്തിൽ മരിച്ച നിലയിൽ കണ്ടെത്തി. വരവൂർ പിലാക്കാട് ഗോവിന്ദൻ ഉഷാ ദമ്പതികളുടെ മകൾ ഗ്രീഷ്‌മയെയാണ് വരവൂർ മഞ്ഞച്ചിറ കുളത്തിൽ മരിച്ച നിലയിൽ കണ്ടെത്തിയത്. 24 വയസായിരുന്നു. ഞായറാഴ്‌ച മുതൽ ഗ്രീഷ്‌മയെ കാണാനില്ലായിരുന്നു. ബന്ധുക്കൾ ചെറുതുരുത്തി പൊലീസിൽ പരാതി നൽകിയിരുന്നു.

## Article Content

തൃശൂർ: തൃശൂരിൽ കാണാതായ യുവതിയെ കുളത്തിൽ മരിച്ച നിലയിൽ കണ്ടെത്തി. വരവൂർ പിലാക്കാട് ഗോവിന്ദൻ ഉഷാ ദമ്പതികളുടെ മകൾ ഗ്രീഷ്‌മയെയാണ് വരവൂർ മഞ്ഞച്ചിറ കുളത്തിൽ മരിച്ച നിലയിൽ കണ്ടെത്തിയത്. 24 വയസായിരുന്നു. ഞായറാഴ്‌ച മുതൽ ഗ്രീഷ്‌മയെ കാണാനില്ലായിരുന്നു. ബന്ധുക്കൾ ചെറുതുരുത്തി പൊലീസിൽ പരാതി നൽകിയിരുന്നു.

തുടർന്നുള്ള അന്വേഷണത്തിലാണ് വൈകിട്ട് വരവൂർ മഞ്ഞച്ചിറ കുളത്തിൽ യുവതിയുടെ ചെരിപ്പും ബാഗും കണ്ടെത്തിയത്. വടക്കാഞ്ചേരി ഫയർഫോഴ്സിന്റെ നേതൃത്വത്തിൽ കുളത്തിൽ നടത്തിയ പരിശോധനയിലാണ് മൃതദേഹം കണ്ടെത്തിയത്. കുളത്തിൽ നിന്നും പുറത്തെടുത്ത മൃതദേഹം തൃശൂർ ഗവൺമെൻ്റ് മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.

പാരാമെഡിക്കൽ വിദ്യാർഥിനിയാണ് മരിച്ച ഗ്രീഷ്മ.

### Related Links & Sources
- [Original Story Source](https://piravom.truevisionnews.com/news/316457/Missing woman found dead in pond)